ارشيف فرعون افندي ( محمد الشافعي فرعون )

مدونة وارشيف


الأحد، 17 يونيو 2012

صورة: الرسالة السادسة... من أمك الغالية / مصر ــــــــــــ الخلااااصــــــــــــة مستنياك يا حسين لجل البلاد والعرش... ويا ريت ما تتأخرش. حسين يا ابني.... ومين يقرا ومين يسمع .. سمعت آهاتك الجايه معاك تجري.. وهزِّت قلبي من جوة وبكيت بدري.. دموعك شيبت شعري.. آهاتك زودت قهري على الشبان.. على الإنسان وشفت خسيس بجد جبان.. بيضرب عـِزِّتي ف مقتل خرجت من الهدوم مفزوعة... جيت ادخل ... مفيش مدخل سندت دماغي ع الحيطة.. وودني تروح على الزيطة أتاري القلب الاسود بان خسيس وجبان ... يزود قهري ع الشبان ودولا ودول ولاد بطني....؟؟؟؟ طب اعمل ايه....؟؟؟؟ : مكانش كفاية مخنوقين.. ومتضايقين.....؟ مكانش كفاية مطحونين ومتعاقدين مع بطالة وكمّ غتاتة ورزالة......؟؟ كأني باخلـِّف الفاسد مع العالم.. كأني جبت ورد جنينتي للملاعين يحاربوهم.. ويصطادوا الجميل منهم.. وسحل، وقتل، واللي يعيش يكون حظــه...؟؟ ولادي وأغلى شيء عندي وفاتحالهم طريق قلبي ومفيش فايدة وفاتحالهم طريق النور ولو يمشوا على ضلوعي.. لكن برضو النيران قايدة ودولا ودول ولاد بطني....؟؟؟ طب اعمل ايه....؟؟؟ : لكن قوللي.. طب انت عملت ايه يا حسين...؟؟ أنا عاوزة انتصار للحق.. مهما كان.. أنا عاوزاك تقول الـــ لأ ... في كل مكان.. أنا عاوزاكو تِـتـِّحـْدوا.. وتـِتـْحَـدُّوا... وتتواعدوا مع الفرحة مع الأحلام.. وتبنوا من الأمل خمسين أمل قدام ولا تسكتش ... واتكلم وخليك برضو يا ابني حكيم.. لأنه في النهاية انتم ولاد بطني.. حكيم وجبان ودولا غيلان... ودول حملان... وعود اخضر ... ماهواش زان... ما لاقيين اللي ينصفهم.. ودولا ودول ولاد بطني....؟؟ طب اعمل ايه....؟؟ .. وبالنسبة لوجع قلبك انا موجوعة يووووه,,, أكتر ومستنية يجي اليوم .. أشوفكم يا ابني قوة كبيرة قوة واحده فوق الأرض بس يا ريت تحبوا بعض مستنياك يا حسين.... لجل البلاد والعرش... ويا ريت ما تتأخرش. ـــــــــــــــــــــــــــــــــــــــــــــــــ التوقيع... أمك / مصر‏
مرسلة بواسطة محمد الشافعي فرعون في 1:44 ص
إرسال بالبريد الإلكترونيكتابة مدونة حول هذه المشاركة‏المشاركة على X‏المشاركة في Facebook‏المشاركة على Pinterest

ليست هناك تعليقات:

إرسال تعليق

رسالة أحدث رسالة أقدم الصفحة الرئيسية
الاشتراك في: تعليقات الرسالة (Atom)

المتابعون

أرشيف المدونة الإلكترونية

  • ◄  2017 (3)
    • ◄  أبريل (3)
  • ◄  2014 (5)
    • ◄  أكتوبر (3)
    • ◄  سبتمبر (2)
  • ◄  2013 (50)
    • ◄  ديسمبر (5)
    • ◄  أكتوبر (5)
    • ◄  سبتمبر (7)
    • ◄  مايو (8)
    • ◄  أبريل (6)
    • ◄  مارس (4)
    • ◄  فبراير (7)
    • ◄  يناير (8)
  • ▼  2012 (811)
    • ◄  ديسمبر (14)
    • ◄  نوفمبر (12)
    • ◄  أغسطس (1)
    • ◄  يوليو (15)
    • ▼  يونيو (125)
      • في إنتظار عدالة السماء
      • لا ........ لمعاول الهدم
      • أشواك في طريق الرئيس
      • من مانديلا الرئيس الى محمد مرسي الرئيس
      • ثرثرة دستورية
      • رسالة الى فخامة الرئيس
    • ◄  مايو (10)
    • ◄  أبريل (115)
    • ◄  مارس (173)
    • ◄  فبراير (76)
    • ◄  يناير (270)
  • ◄  2011 (1131)
    • ◄  ديسمبر (309)
    • ◄  نوفمبر (501)
    • ◄  أكتوبر (321)

من أنا

صورتي
محمد الشافعي فرعون
الايميل: faroun.faroun@gmail.com http//www.facebook.com/20f5aroun1963 faroun-faroun@hotmail.co http//twitter.com/20f5aroun1963
عرض الملف الشخصي الكامل الخاص بي
المظهر: علامة مائية. يتم التشغيل بواسطة Blogger.